विश्वकप छनोट : लाओसविरूद्ध खेल्ने नेपाली फुटबल टोली घोषणा
काठमाडौं : लाओसविरुद्धको फिफा विश्वकप फुटबल छनोट खेलका लागि नेपालले टोली घोषणा गरेको छ। मुख्य प्रशिक्षक भिन्सेन्जो अल्बर्टो एनेसेले खेलका लागि अन्तिम टोली घोषणा गरेका हुन्।
नेपालले बिहीबार लाओससँग दशरथ रंगशालामा पहिलो चरणको पहिलो लेग खेल्दैछ। दोस्रो लेग आगामी साता लाओसमा हुनेछ। लेग जित्ने टोली दास्रो चरणमा प्रवेश गर्नेछ।
आज वुधबार आयोजित पत्रकार सम्मेलनमा प्रशिक्षक एनेसेले यो खेल आफ्ना लागि पनि अवसर भएको बताएका छन्।
टिममा रहेका नयाँ र उर्जावान युवाहरु तयार रहेको बताउँदै उनले भने, ‘अहिले धेरै भन्न चाहन्न, भोलि देखाउँछु ।’
यस्तो छ नेपाली टोली :
गोलकिपर : किरणकुमार लिम्बु, दीप कार्की, अभिषेक बराल।
डिफेन्डर : सनिश श्रेष्ठ, अनन्त तामाङ, आशिष गुरुङ, रोहित चन्द, अन्जन राई, अमृत श्रेष्ठ, एरिक विष्ट।
मिडफिल्डर : सुदीप गुरुङ, लकेन लिम्बु, आवास लामिछाने, उत्सव राई, कृतिश रत्न छिन्जु, मनिष डाँगी, आशिष चौधरी।
फरवार्ड :अन्जन विष्ट, आयुष घलान, जिलेस्पी जंग कार्की, दिनेश हेन्जन, हिसुब थपलिया, सञ्जीव विष्ट।
असोज २४, २०८० बुधबार १७:१७:२० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
