साईनिङ नेपाल फाउन्डेसनद्वारा उत्कृष्ट विद्यार्थीलाई ल्याप्टप वितरण

काठमाडौं : साईनिङ नेपाल फाउन्डेसनद्वारा उत्कृष्ट विद्यार्थीहरुलाई ल्याप्टप वितरण गरिएको छ। 

फाउन्डेसन द्वारा आयोजित कार्यक्रममा काठमाडौं महानगरपालिका ९ का तिन वटा सामुदायीक विद्यालयमा माध्यमिक शिक्षा परिक्षा  (एसईई) मा उच्च अंक ल्याउने विद्यार्थीलाई सम्मानसहित ल्याप्टप वितरण गरिएको हो।

गौशाला स्थित श्री मङगलादेबि मा.वि.की छात्रा करुणा खरेल,  तिलगंगा स्थित श्री शारदा मा.वि.की छात्रा प्रमिशा न्यौपाने  र सिनामंगल स्थित श्री गुहेश्वरि मा.वि.का छात्र अमन यादवलाई एक-एक वटा ल्यापटप प्रदान गरिएको फाउन्डेसनका अध्यक्ष सुनिल आमात्यले बताए। 

उनीहरुले एसईईमा उत्कृष्ट अंक ल्याएका थिए। 

पशुपति बिकास कोषका सदस्य सचिव राजु कुमार खत्रीको प्रमुख अतिथ्यतामा सम्पन्न सम्मान कार्यक्रममा समाजसेवी शशिकान्त अग्रवालसहित शिक्षक र विद्यार्थीहरुको उल्लेख्य उपस्थिति थियो।   

असोज २४, २०८० बुधबार ११:२४:३७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।