विश्वकप क्रिकेट : नेदरल्यान्ड्सविरुद्ध टस हारेर ब्याटिङ गर्दै न्युजिल्यान्ड
काठमाडौं : भारतमा जारी आइसिसी विश्वकप २०२३ अन्तगर्त दोस्रो चरणका खेलहरु सुरु भएका छन्। दोस्रो चरणको पहिलो खेलमा न्युजिल्यान्ड र नेदरल्यान्ड्स भिड्दै छन्।
राजीव गान्धी अन्तर्राष्ट्रिय स्टेडियममा नेदरल्यान्ड्सले टस जितेर पहिले फिल्डिङ गर्ने निर्णय गरेपछि न्युजिल्यान्डले ब्याटिङ गर्दैछ।
अहिले क्रिजमा डेवोन कन्वे र विल यंग छन्।
आफ्नो पहिलो खेलमा इंग्ल्यान्डविरुद्ध नौ विकेटको जित हासिल गर्दै विश्वकपमा सानदार सुरुवात गरेको न्युजिल्यान्ड आज दोस्रो जितको खोजीमा हुनेछ।
यस्तै, पाकिस्तानसँगको पहिलो म्याचमा ८१ रनले पराजय व्यहोरेको नेदरल्यान्ड्स भने पहिलो जितको खोजीमा छ।
असोज २२, २०८० सोमबार १४:३९:१५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
