विश्वकप क्रिकेट : न्युजिल्यान्डको सामना गर्दै नेदरल्यान्ड्स
एजेन्सी : विश्वकप क्रिकेटमा आज (सोमबार) नेदरल्यान्ड्सले बलियो प्रतिद्वन्द्वी न्युजिल्यान्डको सामना गर्दैछ। यो खेल हैदराबादमा नेपाली समयअनुसार दिउँसो २:१५ मा सुरु हुनेछ।
उद्घाटन खेल जितेको न्युजिल्यान्ड लगातार दोस्रो जित निकाल्ने दाउमा छ।
न्युजिल्यान्डले पहिलो खेलमा साविक विजेता इंग्ल्यान्डसँग ९ विकेटको सानदार जित निकालेको थियो। जहाँ डेभन कन्वे र रचिन रविन्द्र दुवैले अविजित शतक प्रहार गरेका थिए।
यो विश्वकपमा तुलनात्मक रुपमा कमजोर मानिएको टिम नेदरल्यान्ड्सको योजना भने न्युजिल्यान्ड विरुद्ध अप्रत्याशित नतिजा निकाल्ने हुनेछ।
पहिलो खेलमा नेदरल्यान्ड्स पाकिस्तानसँग ८१ रनले पराजित भएको थियो।
असोज २२, २०८० सोमबार ०९:३०:३५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
