अनरको फोन किन्दा हात खाली नजाने उपहार, थाइल्याण्ड टुरसम्मको व्यवस्था
काठमाडौं : नेपालका लागि अनर मोबाइल तथा इलेक्ट्रोनिक्सको आधिकारिक वितरक सेलट्रोन नेपाल प्रालिले ग्राहकका लागि सबैभन्दा ठूलो चाडपर्व अफर ल्याएको छ।
‘बनाऊँ दशैं अनरमय’ भन्ने ट्याग लाइनका साथ कम्पनीले बम्पर उपहार को पर्व ल्याएको हो। सेलट्रोन नेपालले यस चाडपर्वको अवसरमा यो अफरले ग्राहकमा उत्साह ल्याउने कम्पनीको विश्वास छ।
‘अनरको बहार, चाडपर्वमा उपहारै उपहार’ नामक अभियानमा स्मार्टफोनको हरेक खरिदमा दैनिक उपहार, मेगा उपहार, बम्पर उपहार र भेस्पा जित्ने अवसर प्राप्त गर्न सक्नेछन्।
उपहारहरू चार खण्डहरूमा विभाजित छन्। पहिलो एउटा दैनिक उपहार हो, जहाँ ५ हजार ९९० रुपैयाँको अनर इएरबड्स एक्स फाइभ वा ६ हजार ४९० रुपैयाँ पर्ने अनर ब्यान्ड सिक्स जित्न सक्नेछन्।
दोस्रो मेगा गिफ्ट हो जहाँ खरिदकर्ताहरूले ४३ इन्चकोस्मार्ट टिभी वा अनर वाच फोर वा अनर ९० फाइभजी जित्ने मौका पाउनेछन्।
त्यसपछि तेस्रो खण्डमा ग्राहकहरूले ल्यापटप वा थाइल्याण्ड टुर जित्ने मौका पाउन सक्छन्। र अन्त्यमा सबैभन्दा गजबको उपहार अर्थात् एक भाग्यशाली विजेताले भेस्पा स्कुटर जित्न सक्नेछन्।
दैनिक विजेता र अन्य विजेताहरूको घोषणा अनर फेसबुक पेज र इन्टाग्राम पेजबाट गरिनेछ।
यसमा सहभागी हुनका लागि अनरको स्मार्टफोन खरिद गरेर त्यसको आइएमईआई नम्बर HONOR लेखेर एक स्पेश दिएर आईएकईआई नम्बरलाई ३५००१ मा पठाउनुपर्ने हुन्छ।
यो अफर १४ असोजदेखि कार्तिक ३ गतेसम्म मान्य हुनेछ।
असोज २०, २०८० शनिबार ०९:४३:४९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
