विश्व कप क्रिकेटमा आज पाकिस्तान र नेदरल्यान्ड्स भिड्दै
काठमाडौं : भारतमा जारी आईसीसी एकदिवसीय विश्वकप क्रिकेटमा आज पाकिस्तान र नेदरल्यान्ड्स भिड्दैछन्।
राजीव गान्धी अन्तर्राष्ट्रिय स्टेडियम, हैदराबादमा हुने खेल नेपाली समय अनुसार दिउँसो सवा २ बजे शुरु हुनेछ।
यसअघि सन् १९९६ र २००३ को एकदिवसीय विश्वकपमा पाकिस्तान र नेदरल्यान्ड्सबीच दुई खेल भएकोमा पाकिस्तान विजयी भएको थियो।
पाकिस्तान र नेदरल्यान्ड्सले अहिलेसम्म ६ वटा एकदिवसीय खेल खेलेका छन्। यी सबै खेल पाकिस्तानले जितेको छ।
बिहिबारदेखि शुरु भएको १३ औँ संस्करणको विश्वकप क्रिकेटमा न्युजिल्यान्डले विजयी शुरुवात गरेको छ। उद्घाटन खेलमा न्युजिल्यान्डले इङ्ल्यान्डलाई ९ विकेटले हराएको हो।
असोज १९, २०८० शुक्रबार १०:३८:५२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
