कीर्तिमानी क्रिकेटर दीपेन्द्र सहायक हवल्दारमा बढुवा
काठमाडौं : नेपाल प्रहरीमा सेवारत विश्वकिर्तिमानी क्रिकेटर दीपेन्द्रसिंह ऐरीको पद बढुवा भएको छ।
१९ औं एसियाली खेलकुदमा विश्वकिर्तिमानी ब्याटिङ गरेसँगै उनी प्रहरी जवानबाट प्रहरी सहायक हवल्दारमा बढुवा भएका हुन्।
बिहिबार बसेको प्रहरीको पोलिसी कोअर्डिनेसन कमिटी (पीसीसी)को बैठकले विश्वकीर्तिमान राखेको सम्मानस्वरूप उनलाई बढुवा गर्ने निर्णयगरेको प्रहरी प्रवक्ता कुवेर कडायतले जानकारी दिए।
दिपेन्द्रले मंगोलियाविरुद्ध ९ बलमा अर्धसतक बनाउदै भारतीय ब्याट्सम्यान युवराज सिंहले १२ बलमा अर्धसतक बनाएर राखेको कीर्तिमान तोडेका थिए।
सन् २०१६ देखि नेपाल प्रहरीमा आवद्ध रहेका दिपेन्द्र नेपाल प्रहरीको क्रिकेट टोलीका कप्तान समेत हुन्।
असोज १८, २०८० बिहीबार १७:४८:२२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
