अल्टिमाका नयाँ स्मार्टवाच बजारमा, यस्ता छन् विशेषता
काठमाडौं : नेपाली ब्राण्ड अल्टिमा लाइफ स्टाइलले नयाँ दुई स्मार्टवाच बजारमा ल्याएको छ। कम्पनीले ‘अल्टिमा वाच सर्कल’ र ‘अल्टिमा वाच म्याजिक प्रो’ ल्याएको हो।
सीमित अवधिका लागि अल्टिमा वाच सर्कल तीन हजार नौ सय ९९ रुपैयाँमा खरिद गर्न सकिने कम्पनीले जनाएको छ । अल्टिमा वाच सर्कलको बजार मूल्य भने पाँच हजार नौ सय ९९ रहेको छ।
कम्पनीका अनुसार स्मार्टवाचमा फिटनेस निगरानी, कदम दूरी र क्यालोरीलगायतका स्वास्थ्य निगरानी सुविधा पनि रहेका छन् भने ब्लुटुथ कलिङ सुविधासमेत रहेको छ।
वाटरप्रुफ स्मार्टवाचमा एक वर्षको ब्राण्ड वारेन्टी रहेको छ। अल्टिमा वाच म्याजिक प्रो पनि सीमित अवधिका लागि दुई हजार नौ सय ९९ रुपैयाँमा पाइनेछ। यसको बजार मूल्य भने पाँच हजार नौ सय ९९ रुपैयाँ रहेको छ।
असोज १७, २०८० बुधबार १७:२४:२० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
