लगातार छैठौं दिन घट्यो सुनको मूल्य, कति पुग्यो?
काठमाडौं : नेपाली बजारमा सुनको मूल्य लगातार छैठौं दिन पनि घटेको छ। नेपाल सुनचाँदी व्यवसायी महासंघका अनुसार आज (सोमबार) छापावाल सुन प्रतितोला एक सय रुपैयाँले घटेको हो।
आइतबार छापावाल सुन प्रतितोला एक लाख आठ हजार रुपैयाँमा कारोबार भएकोमा आज एक लाख सात हजार नौ सय रुपैयाँ मूल्य तोकिएको छ।
त्यस्तै तेजाबी सुन पनि तोलामा एक सयले घटेर प्रतितोला एक लाख सात हजार चार सय रुपैयाँमा कारोबार भइरहेको छ। गतसाता मंगलबारदेखि घट्न थालेको सुनको मूल्यले यस साता पनि निरन्तरता पाएको हो।
सोमबार चाँदीको मूल्य पनि प्रतितोला २० रुपैयाँले घटेर १३ सय ४० रुपैयाँ कायम भएको छ।
असोज १५, २०८० सोमबार १४:०२:१५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
