अभिनाशले एकै ओभरमा लिए ३ विकेट, माल्दिभ्सको ब्याटिङ संकटमा
काठमाडौं : अभिनाश बोहराले चीनमा जारी एसियाली खेलकुदको क्रिकेटमा माल्दिभ्सविरुद्ध एकै ओभरमा तीन विकेट लिएका छन्।
नेपालको धारिलो बलिङ सामु २१३ रनको विशाल लक्ष्य पच्छ्याएको माल्दिभ्सको ब्याटिङ संकटमा परिसकेको छ। नवौं ओभरको खेल सकिंदासम्म माल्दिभ्सले मात्र २३ रन जोड्दा ६ विकेट गुमाइसकेको छ।
नेपालका तीव्र गतिका बलर अभिनाश बोहराले छैठौं ओभरको तेस्रो, चौथो र छैठौं बलमा विकेट लिएका थिए। यसअघि सोमपाल कामीले पहिलो ओभरको चौथो बलमै माल्दिभ्सका ओपनरलाई बोल्ड गरेका थिए।
त्यसैगरी गुल्सन झा र सन्दीप लामिछानेले एक/एक विकेट लिएका थिए।
त्यसअघि टस जितेर पहिला ब्याटिङ रोजेको नेपालले निर्धारित २० ओभरमा ७ विकेट गुमाउँदै २१२ रन बनाएको थियो।
असोज १४, २०८० आइतबार ०९:२८:४३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
