एमाले कोशी प्रदेश अधिवेशनको निर्वाचन आइतबार हुने
काठमाडौं : एमाले कोशी प्रदेशको अधिवेशनको निर्वाचन आइतबारका लागि सरेको छ।
प्रदेश निर्वाचन कमिटीले सार्वजनिक गरेको निर्वाचन तालिकामा शनिबार बेलुका ७ बजेर १५ मा उम्मेदवारको अन्तिम नामावली प्रकाशन गर्ने र आइतबार विहान ७ बजेदेखि ४ बजेसम्म निर्वाचन गर्ने कार्यतालिका छ।
निर्वाचन कार्यतालिका सार्वजनिक भएपछि आकांक्षीहरूले मनोनयन दर्ता गरिरहेका छन्। प्रदेश अध्यक्षमा विनोद ढकाल र घनश्याम खतिवडा प्रमुख दाबेदार छन्।
९९७ जना प्रतिनिधि आएका अधिवेशनबाट पाँच पदाधिकारीसहित २१५ सदस्यीय प्रदेश कमिटीका लागि निर्वाचन हुनेछ।
यसअघि एमालेले शुक्रबार र शनिबार अधिवेशन गर्ने निर्णय गरेको थियो। तर निर्वाचन हुने भएपछि एक दिन लम्बिएको हो।
असोज १३, २०८० शनिबार १६:३३:०२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
