सर्जियो रामोसको आत्मघाती गोलले बार्सिलोना विजयी
एजेन्सी : रियल म्याड्रिडका पूर्व कप्तान सर्जियो रामोसको आत्मघाती गोलको सहयोगमा स्पेनिस लिगमा बार्सिलोनाले सेभिल्लालाई १-० ले पराजित गरेको छ।
गए राती भएको खेलमा घरेलु मैदानमा बार्सिलोनाको जितमा रामोसको ७६औं मिनेटको एक मात्र आत्मघाती गोल नै पर्याप्त बन्यो। लामिन यामालको हेडर क्रसलाई रोक्ने क्रममा रामोसले आफ्नै पोस्टमा गोल गरेका थिए।
३७ वर्षीय रामोसको बार्सिलोना विरुद्ध यो सर्वाधिक ३४ औं स्पानिस लिग खेल थियो।
जितपछि बार्सिलोना ८ खेलमा ६ जित र २ बराबरीसहित २० अंक जोडेर फेरि लिगको पहिलो स्थानमा उक्लिएको छ। एक खेल कम खेलेको जिरोना १९ अंकसहित दोस्रो स्थानमा छ।
असोज १३, २०८० शनिबार ०८:१२:५० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
