‘पशुपतिनाथकी जय’ भन्दै नेपाल भित्रिए कैलाश खेर
१ वर्ष अघि
काठमाडौं : भारतका चर्चित गायक कैलाश खेर नेपाल आएका छन्।
शनिबार काठमाडौंमा हुने एक सांस्कृतिका कार्यक्रममा सहभागी हुन उनी शुक्रबार साँझ नेपाल आइपुगेका हुन्।
विमानस्थलको आगमन गेटबाट निस्किने बित्तिकै खेरले ‘पशुपतिनाथकी जय’को नारा लगाए। साथै उनले शनिबार सोल्टी होटलमा हुने कार्यक्रममा समेत सहभागी हुन आग्रह गरे।
शनिबार बिहानै खेरले पशुपतिनाथको दर्शन गर्ने कार्यतालिका छ।
उनका ‘सैयाँ’, ‘तेरी दिवानी’, ‘ए रब्बा’, ‘जय जय कारा’, ‘पिया रे’ लगायतका थुप्रै गीतहरू चर्चित छन्।
असोज १२, २०८० शुक्रबार २०:०१:३९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
