सत्यराज आचार्यको नयाँ गीत ‘संयोग’ सार्वजनिक
काठमाडौं : सत्यराज आचार्यको स्वर रहेको नयाँ गीत ‘संयोग’ सार्वजनिक भएको छ।
तारा अधिकारीको शब्द रचना रहेको गीत ‘संयोग भन्दै पिरतीलाई...’ बिहीबार सार्वजनिक गरिएको हो।
सत्यराजको स्वर, किरण कँडेलको संगीत तथा संगीत संयोजन रहेको गीतको भिडियो निर्देशन गीतकार अधिकारी स्वयंले गरेकी छन्। भिडियोको छायांकन शिव ढकाल, सम्पादन नहकुल खड्काले गरेका छन्।
गीतको भिडियोमा आचार्य आफैँले अभिनय गरेका छन्।
गीत सार्वजनिक गर्दै रचनाकार तारा अधिकारीले केही वर्षअघि नै तयार पारेर राखेको गीतलाई दर्शकमाझ सार्वजनिक गर्न पाउँदा खुसी लागेको बताइन्।
उनले भनिन्, ‘समय नमिलेका कारण दर्शक श्रोतामाझ यो गीत ल्याउन सकेकी थिइनँ। अहिले आएर पस्किएकी छुँ, आशा छ सबैले मन पराइदिनुहुनेछ।’
असोज ११, २०८० बिहीबार १७:३७:१३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
