टाइब्रेकरमा भारतसँग हार्यो नेपाल, फाइनलमा पाकिस्तान र भारत
काठमाडौँ : नेपाललाई टाइब्रेकरमा हराउँदै भारत साफ यू-१९ च्याम्पियनसिपको फाइनलमा पुगेको छ। बुधवार दशरथ रङ्गशालामा भएको खेलमा नेपाल भारतसित टाइब्रेकरमा ३-२ ले पराजित भएर प्रतियोगिताबाट बाहिरियो।
निर्धारित समयको खेल १-१ को बराबरीमा टुङ्गिएपछि खेलको निर्णय टाइब्रेकरबाट भएको हो। भारतले २६ मिनेटमा गोल गर्दै अग्रता लिएको थियो। ७४ मिनेटमा नेपालका लागि समीर तामाङले बराबरी गोल फर्काएका थिए।
नेपालको तर्फबाट लक्ष्मण थापा, प्रशान्त लक्सम लिम्बु र विक्रम तामाङ गोल गर्न चुकेपछि नेपाल पराजित भयो। अश्विन घोरासिनी र कुशल देउवाले भने गोल गरेका थिए।
भारतका खेलाडी दिनेश सिंह र रिक्की मित्तलको पेनाल्टी नेपालका गोलरक्षक जियारथ शेखले बचाएका थिए। तर अर्जुन सिंह,गोम्सर गोयारी र माङलिङ थेङ किपिङले सहजै गोल गरे।
फाइनल पाकिस्तान र भारतबिच हुने५। पाकिस्तानले पहिल्यै भुटानलाई टाइब्रेकरमा हराएर फाइनलमा पुगेको थियो।
असोज १०, २०८० बुधबार २०:४८:४१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
