यु-१९ साफ च्याम्पियनसिपमा नेपाल र भारत भिड्दै
काठमाडौं : जारी यु-१९ साफ च्याम्पियनसिप फुटबल प्रतियोगिताको फाइनल प्रवेशका लागि नेपालले आज भारतको सामना गर्दैछ।
त्रिपुरेश्वरस्थित दशरथ रङ्गशालामा साँझ ५ः३० बजे हुने खेलमा समूह ‘बी’को विजेता भारत र समूह ‘ए’को उपविजेता नेपाल आमने-सामने हुँदैछन्।
समूह चरणको खेलमा नेपालले माल्दिभ्सलाई ४-१ गोलअन्तरले पराजित गर्दै सेमिफाइनलमा पुगेको हो भने भारतले भुटानलाई २-१ को अन्तरले पराजित गर्दै सेमिफाइनलमा पुगेको हो।
यसैगरी आजै हुने पहिलो सेमिफाइनल खेलमा पाकिस्तान र भुटान आमने-सामने हुनेछन्। उक्त खेल दिउँसो १ः३० बजे हुनेछ।
पाकिस्तान समूह ‘ए’को विजेता र भुटान समूह ‘बी’को उपविजेताका रूपमा सेमिफाइनल पुगेका हुन्।
असोज १०, २०८० बुधबार १२:१३:२३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
