घरेलु हिंसाको विषय उठाइएको ‘सीता’ टेलिसिरियल प्रसारण सुरू
काठमाडौं : घरेलु हिंसाको विषयवस्तु उठान गरेको पारिवारिक टेलिसिरियल ‘सीता’को प्रसारण सुरु भएको छ।
सहिन प्रजापतिको लेखन तथा निर्देशनमा बनेको सिरियल हिमालय प्रिमियम टेलिभिजनबाट प्रसारण सुरु भएको हो।
मंगलबार राति ८ बजे टेलिभिजनबाट प्रसारण हुने सिरियल आरटी इन्टरटेन्मेन्ट युट्युब च्यानलमार्फत हेर्न सकिन्छ।
गरिबीको पीडा, महिलामाथिको विभेद, शिक्षाबाट बञ्चित महिलाको अवस्था र सामाजिक समस्यालाई सिरियलमा उठान गरिएको छ। सिरियलमा सीताको भूमिकामा सुनिसा बजगाईँ देखिएकी छन्।
सिरियलमा निर्देशक प्रजापतिसँगै बालकृष्ण ओली, राजु भुजु, सविता गुरुङ, तारा केसी, आरके मानन्धर, बासु खनाल, उत्तम आचार्य लगायतले अभिनय गरेका छन्।
असोज १०, २०८० बुधबार १०:३७:३५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
