सेमिफाइनलमा नेपालको प्रतिद्वन्द्वी भारत
काठमाडौं : नेपालले साफ यू-१९ फुटबल च्याम्पियनसिपको सेमिफाइनलमा भारतसँग भिड्ने भएको छ।
समूह चरणको अन्तिम खेलमा भारतले भुटानलाई हराएपछि अन्तिमा चारमा नेपाल र भारतबीच खेल हुने भएको हो।
भारत अन्तिम खेलमा भुटानलाई २-१ ले हराउँदै समूह बीको विजेता बन्यो भने नेपालले समूह एको उपविजेताको रुपमा सेमिफाइनलमा स्थान सुरक्षित गरेको हो।
समूहको पहिलो खेलमा पाकिस्तानसँग १-० ले पराजित भएको नेपालले अन्तिम खेलमा माल्दिभ्सलाई ४–१ गोल अन्तरले हराउँदै सेमिफाइनलमा स्थान बनाएको थियो।
सेमिफाइनल खेल बुधबार हुनेछ।
असोज ९, २०८० मंगलबार ०७:३१:०५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
