विज्ञापन बोर्डले भन्यो 'विज्ञापनमा नेपाली नागरिकको तस्बिर राख्नु'
काठमाडौँ : विज्ञापन बोर्डले विज्ञापनमा विदेशी कलाकारको तस्बिर प्रयोगमा रोक लगाएको छ। बोर्डले सोमबार सार्वजनिक सूचना जारी गरेर सबै खालका विज्ञापनमा स्वदेशी कलाकारको फोटो राख्न निर्देशन दिएको हो।
सूचनामा विज्ञापन नियमावली(पहिलो संशोधन), २०८० को नियम ९(क)को उपनियम (३)मा होर्डिङ बोर्ड, सवारी साधनका साथमा अन्य जुनसुकै माध्यममा कुनै पनि व्यक्तिको फोटो राखेर विज्ञापन गर्दा स्वदेशी कलाकारको फोटो राख्नुपर्ने नियम रहेकाले सोही अनुसार गर्न उल्लेख गरिएको छ।
बोर्डले जारी गरेको सूचनामा विदेशी कलाकार वा व्यक्तिको फोटो हटाएर स्वदेशी कलाकार वा व्यक्तिको फोटो राख्न विज्ञापन दाता, विज्ञापन एजेन्सी, सञ्चार माध्यम लगायतलाई आग्रह गरेको छ।
असोज ८, २०८० सोमबार १७:५०:२४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
