साफ यू-१९ फुटबल : सेमिफाइनलमा पुग्न आज नेपालले माल्दिभ्सलाई हराउनै पर्ने
काठमाडौं : साफ यू-१९ फुटबल च्याम्पियनसिपमा नेपालले आज (सोमबार) माल्दिभ्सविरुद्ध खेल्दैछ।
यो खेलमा घरेलु टोली नेपाललाई जित निकाल्दै पर्ने दबाब छ। खेलमा बराबरी मात्र खेले पनि नेपाल समूह चरणबाटै बाहिरिने छ ।
नेपाल र माल्दिभ्सबीचको खेल दिउँसो १:३० मा दशरथ रंगाशालामा सुरु हुनेछ। समूह चरणको पहिलो खेलमा नेपाल पाकिस्तानसँग १-० ले पराजित भएको थियो।
माल्दिभ्स र पाकिस्तानबीचको अर्को खेल १-१ को बराबरीमा सकिएपछि पाकिस्तानले २ खेलमा ४ अंकका साथ सेमिफाइनलमा स्थान पक्का गरिसकेको छ।
अब सेमिफाइनलमा पुग्न माल्दिभ्सलाई नेपालसँग बराबरी नै पर्याप्त हुनेछ भने नेपाललाई जित्नै पर्ने दबाब छ। अर्को समूहबाट भारत र भुटानले सेमिफाइनलमा स्थान पक्का गरिसकेका छन्।
असोज ८, २०८० सोमबार ०८:२७:३८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
