एथ्लेटिकोसँग ३-१ ले हार्यो रियल म्याड्रिड, लिगको अपराजित यात्रा सकियो
एजेन्सी : रियल म्याड्रिड स्पेनिस लिगको खेलमा एथ्लेटिको म्याड्रिडसँग ३-१ ले पराजित भएको छ। म्याड्रिड डर्बीको यो हारसँगै लिगमा रियलको सतप्रतिशत जितको यात्रामा पूर्णविराम लागेको छ।
घरेलु मैदानमा गए राति भएको खेलमा १८ मिनेट भित्र नै अल्भारो मोराटा र ग्रिजम्यानले गोल गर्दै एथ्लेटिकोलाई २-० को अग्रता दिलाएका थिए।
यसपछि ३५औं मिनेटमा टोनी क्रुसले रियलका लागि एक गोल फर्काए। तर दोस्रो हाफको सुरुवातमै मोराटाले व्यक्तिगत दोस्रो गोल गर्दै एथ्लेटिकोको ३-१ को जित पक्का गरे।
जारी लिगमा पहिलो हार भोगेपछि रियलले लिगको शीर्षस्थानमा उक्लने मौका गुमायो। जहाँ रियल ६ खेलबाट १५ अंक सहित तेस्रो स्थानमा छ।
एथ्लेटिको भने पाँच खेलमा १० अंकसहित लिगको पाँचौं स्थानमा उक्लिएको छ।
असोज ८, २०८० सोमबार ०७:५८:५० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
