कप्तान रोहितको गुनासो : कतिपटक भनिसक्यौं तर सरकारले घोषणा गरेको पुरस्कार पाएको छैन
काठमाडौं : नेपाली राष्ट्रिय क्रिकेट टिमका कप्तान रोहितकुमार पौडेलले सरकारले आफूहरूलाई दिने भनेर घोषणा गरेको रकम अझै नपाएकोमा गुनासो गरेका छन्।
एसियाली खेलकुदमा सहभागिता जनाउन चीन जानुअघि नेपाल क्रिकेट संघ क्यानले आयोजना गरेको बिदाइ कार्यक्रमपछि पत्रकारसँग कुरा गर्दै उनले उक्त पुरस्कार आउँछ भनेर आशावादी भने रहेको बताए।
‘सरकारले घोषणा गरेको रकमका लागि कति पटक भनिसकेका छौं। तर अहिलेसम्म आएको छैन। आउँछ भनेर आशावादी छौं,’ उनले भने।
नेपाली टिमले पछिल्लो समयमा लगातार सफलता हात पार्दा हरेक पटक सरकारले नगद पुरस्कार दिने घोषणा गरेको गर्यै छ। तर पुरस्कार रकम थपिरहँदा दिने छाँटकाँट भने सरकारले गरेको छैन।
असोज ७, २०८० आइतबार १३:३७:२७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
