यूएईलाई हराउँदै ओमानले जित्यो गल्फ टी-२० क्रिकेटको उपाधि
एजेन्सी : यूएईलाई हराउँदै ओमानले गल्फ टी-२० क्रिकेट च्याम्पियनसिपको उपाधि जितेको छ। प्रतियोगिताको फाइनलमा ओमानले यूएईलाई ५ विकेटले हरायो।
फाइनलमा टस जितेर पहिले ब्याटिङ गरेको यूएईले २० ओभरमा ५ विकेट गुमाउँदै १ सय ६३ रन बनाएको थियो। जसका लागि कप्तान मोहम्मद वासिमले ३१ बलमा २ चौका र ४ छक्कासहित सर्वाधिक ४६ रनको योगदान दिएका थिए।
जवाफमा १६४ रनको लक्ष्य ओमानले अन्तिम चार बल खेल्नु अगाडि ५ विकेट गुमाउँदै पूरा गर्यो। ओमानको जितमा कप्तान अकिब इलियासले ३३ बलमा ८ चौका र ४ छक्कासहित सर्वाधिक ६७ रनको योगदान दिए। त्यस्तै आयन खानले अविजित ५३ रन जोडेका थिए।
अर्को महिना नेपालमा हुने टी-२० विश्वकप छनोटको तयारीको रुपमा गल्फका ६ टिमबीच यो प्रतियोगिता गराइएको थियो।
असोज ७, २०८० आइतबार ०९:१२:०१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
