दोस्रो हाफभरी १० खेलाडीमा समेटिए पनि म्यानचेस्टर सिटी २-० ले विजयी
एजेन्सी : साविक विजेता म्यानचेस्टर सिटीले इंग्लिस प्रिमियर लिगमा लगातार छैटौं जित हात पारेको छ। दोस्रो हाफभरी १० खेलाडीमा समेटिए पनि गए राति भएको खेलमा सिटीले नटिङ्घम फरेस्टलाई २-० ले हरायो।
घरेलु मैदानमा खेलको १४ मिनेटभित्र नै सिटीले २-० को अग्रता बनाएको थियो। सातौं मिनेटमा फोडेनको गोलमार्फत अग्रता लिएको सिटीका लागि १४औं मिनेटमा हाल्यान्डले दोस्रो गोल गरेका थिए।
यसपछि दोस्रो हाफको सुरुवातमै रोड्री रातो कार्ड खाँदै मैदान बाहिरिएपछि सिटी १० खेलाडीमा समेटिएको थियो।
तर एक खेलाडीको फाइदा भएको नटिङ्घमले गोल फर्काउन सकेन। यो जितसँगै ६ खेलबाट स्पष्ट १८ अंकसहित सिटी शीर्ष स्थानमा कायम छ।
असोज ७, २०८० आइतबार ०७:३५:५१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
