पाकिस्तानलाई उछिन्दै भारत एकदिवसीय क्रिकेटको पहिलो नम्बरमा
काठमाडौं : अष्ट्रेलिया विरुद्धको जितपछि पाकिस्तानलाई उछिन्दै भारत एकदिवसीय क्रिकेटको वरियतामा पहिलो नम्बरमा उक्लिएको छ।
भारतले घरेलु मैदानमा हुने आईसीसी पुरुष क्रिकेट विश्वकप २०२३ मा पुग्ने क्रममा अष्ट्रेलियालाई हराएर पुरुषको एकदिवसीय टोली वरीयताको शीर्ष स्थामा पुगेको हो।
अस्ट्रेलियाविरुद्धको पहिलो एकदिवसीय खेलमा जित हात पार्दै भारत (११६ रेटिङ अंक) आफ्नो चिर प्रतिद्वन्द्वी पाकिस्तान (११५)लाई उछिन्दै वरीयताको शीर्ष स्थानमा उक्लिएको हो।
अस्ट्रेलिया तेस्रो स्थानमा छ तर शीर्ष दुईबीचको दुरी दुई अंकले घटेर १११ पुगेको छ।
भारतले पहिले नै टेस्ट र टी–२० मा शीर्ष स्थानमा आइसकेको छ। योसँगै भारतले तीनै फरम्याटमा एकैपटक नम्बर १ मा छ।
असोज ५, २०८० शुक्रबार २२:२९:३२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
