आजको मौसम : कोशी र गण्डकी प्रदेशमा भारी वर्षाको संभावना
काठमाडौं : आज (शुक्रबार) कोशी, मधेश, बागमती, गण्डकी र लुम्बिनी प्रदेशका केही स्थानहरूमा र बाँकी प्रदेशका थोरै स्थानहरूमा हल्कादेखि मध्यम वर्षाको सम्भावना रहेको छ।
कोशी र गण्डकी प्रदेशको एक दुई स्थानमा भारी वर्षाको समेत संभावना रहेको जल तथा मौसम विज्ञान विभागले जनाएको छ। त्यस्तै मधेश र कोशी प्रदेशका तराई भूभागका एक दुई स्थानमा हावा हुरीको सम्भावना रहेको छ।
राति भने कोशी, मधेश, बागमती र गण्डकी प्रदेशका केही स्थानहरूमा र बाँकी प्रदेशका थोरै स्थानहरूमा मेघगर्जनसहित हल्कादेखि मध्यम वर्षाको सम्भावना रहेको छ।
असोज ५, २०८० शुक्रबार ०७:१३:४२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
