१९औं एसियाली खेलकुद : भारत र पाकिस्तान महिला क्रिकेटको सेमिफाइनलमा
एजेन्सी : १९ आं एसियाली खेलकुद अन्तरगत महिला क्रिकेट प्रतियोगितामा भारत र पाकिस्तान सेमिफाइनलमा प्रवेश गरेका छन्।
दुवै टोलीका खेल वर्षाले प्रभावित भएसँगै वरीयताअनुसार उनीहरू सेमिफाइनलमा प्रवेश गरेका हुन्।
वर्षाले प्रभावित भारत र मलेसियाबीचको क्वार्टरफाइनल खेल १५ ओभरमा छोट्याइएको थियो। पहिले ब्याटिङ गरेको भारतले २ विकेटको क्षतिमा १७३ रन बनाएको थियो।
तर, मलेसियाले ब्याटिङ सुरु गर्ने बित्तिकै पानी पर्न सुरु भएपछि खेल रद्द गरिएको थियो। पाकिस्तान र इन्डोनेसियाबीचको खेल भने सुरु नै हुन सकेन।
अब बंगलादेश र हङकबीचको विजेताले सेमिफाइनलमा भारतसँग तथा श्रीलङ्का र थाइल्याण्डबीचको विजेताले पाकिस्तानसँग भिड्ने छ।
असोज ४, २०८० बिहीबार १७:१८:५० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
