साफ यु-१९ फुटबल आजदेखि, नेपाल पाकिस्तानसँग भिड्दै
काठमाडौं : साफ यु-१९ फुटबल च्याम्पियनसिप आज (बिहीबार) देखि काठमाडौंमा सुरु हुँदैछ। दशरथ रंगशालामा हुने समूह चरणको खेलमा घरेलु टोली नेपालले पाकिस्तानसँग भिडन्त गर्दैछ।
नेपाल र पाकिस्तानबीचको खेल नेपाली समय अनुसार बेलुका ५ः३० बजे सुरु हुनेछ। यसअघि उद्घाटन खेलमा भारत र बंगलादेशबीच दिउँसो १ः३० बजे दशरथ रंगशालामा प्रतिस्पर्धा हुनेछ।
भारत प्रतियोगिताको साविक विजेता टिम हो। समूह ‘ए’ मा नेपाल, माल्दिभ्स र पाकिस्तान छन् भने समूह ‘बी’ मा भारत, भुटान र बंगलादेश छन्। दुवै समूहका शीर्ष दुई टोलीले सेमिफाइनलमा खेल्ने छन्।
असोज ४, २०८० बिहीबार ११:५७:१८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
