रियलमीको फ्यान फेस्ट हुदैँ
काठमाडौं : सर्वाधिक विश्वसनीय स्मार्टफोन ब्राण्ड रियलमीले आफ्ना ग्राहकहरूका लागि यहि असोज ५ गते शुक्रबार ठमेल स्थित छाँया सेन्टरमा निःशुल्क फ्यान फेस्ट आयोजना गर्दैछ।
यस फ्यान फेस्टमा रियलमीले आफ्ना नयाँ बजेट–फ्रेण्डली स्मार्टफोन मोडलहरू रियलमी ११ एक्स र रियलमी ११ फाइभ जी बजारमा सार्वजनिक गर्दैछ।
भेक र यावेशको लाइभ प्रस्तुतिको साथै यस फ्यान फेस्टमा आकाश खड्काको पनि प्रस्तुति दिने आयोजकले जनाएको छ।
फ्यान फेस्टमा भेकले आफ्ना चर्चित गीतहरू लै बरी लै, एक्लै जिउन सिके, अलपत्र, र अन्य धेरै गीतहरु प्रस्तुत गर्नेछन्।
त्यस्तै यावेशले ‘लाखौँ हजाराैँ’ र आकाशले ‘तिमी भएर’ लगायत आफ्ना अन्य गीतहरु मार्फत दर्शकलाई मनोरन्जन प्रदान गर्नेछन्।
आफ्ना ग्राहकहरुलाई सर्वोत्कृष्ट स्मार्टफोन मात्र नभई सर्वोत्कृष्ट अनुभव पनि प्रदान गर्ने रियलमीको प्रतिवद्धतालाई यस फ्यान फेस्टले सार्थक रुप दिएको छ।
सुवेच्छा खड्काले सन्चालन गर्ने यस फ्यान फेस्टमा एभरेष्ट क्रुको नृत्य पनि रहनेछ।
साथै विभिन्न रमाईला गेमहरु पनि राखिएको यो फ्यान फेस्टमा सहभागिहरुले आकर्षक उपहारहरु पनि जित्न सक्ने बताइएको छ।
रियलमी ११ एक्स र रियलमी ११ फाइभजीले स्मार्टफोनको ल्यान्डस्केपलाई आफ्ना उल्लेखनीय सुविधाहरू र आकर्षक डिजाइनको साथ पुनः परिभाषित गर्ने सम्भावना छ।
रियलमी ११ एक्स र रियलमी ११ फाइभजीको कुरा गर्दा दुवै स्मार्टफोनमा मिडियाटेकको डाइमेंनसिटी ६१००+ को पावरफुल चिप्सेट, ६.७२ इन्चको १२० हर्ज रिफ्रेस रेट भएको अल्ट्रा स्मुद डिस्प्ले रहेको छ।
यो कन्सर्ट सबैका लागि पूर्ण रूपमा निःशुल्क रहेको बताइएको छ।
असोज ४, २०८० बिहीबार ११:२६:४६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
