टेलिसिरियल ‘सीता’को ट्रेलर सार्वजनिक
काठमाडौं : सहिन प्रजापतिको लेखन तथा निर्देशनमा तयार भएको टेलिसिरियल ‘सीता’को ट्रेलर सार्वजनिक गरिएको छ।
सार्वजनिक ट्रेलरमा गरिबको पिडा, महिलामाथि हुने विभेद, शिक्षाबाट बञ्चित चेलीको अवस्था र सामाजिक समस्यालगायतका बिषयहरु प्रस्तुत गरिएका छन्।
आरटि इन्टरटेन्मेन्ट मार्फत सार्वजनिक ट्रेलरमा ‘सीता’को भूमिकामा सुनिसा बजगाईँले सशक्त अभिनय गरेकि छिन्।
ट्रेलरमा कलाकार बालकृष्ण ओली सीताको जड्याहा श्रीमानको भूमिका देखिएका छन्। त्यस्तै लेखक तथा निर्देशक सहिन प्रजापतिको अभिनय पनि हेर्न सकिन्छ।
यसैगरि राजु भुजु, सविता गुरुङ, तारा केसी, आरके मानन्धर, बासु खनाल, उत्तम आचार्य लगायतको मुख्य भुमिका ट्रेलरमा देख्न सकिन्छ।
यहि असोज ८ गते राति ८ बजे हिमालय टेलिभिजनबाट प्रशारण हुने टेलिसिरियलले दर्शक स्रोताहरुको मन जित्नेमा निर्माण पक्ष ढुक्क छ।
असोज ३, २०८० बुधबार १६:१६:०१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
