रियल बेटिसको पोस्टमा बार्सिलोनाको ५ गोल
एजेन्सी : स्पेनिस लिगमा बार्सिलोनाले रियल बेटिसलाई ५-० गोलको फराकिलो अन्तरले पराजित गरेको छ। जितसँगै साविक विजेता बार्सा लिगको पहिलो स्थानमा उक्लन सफल भयो।
बार्सिलोनाको जितमा पाँच खेलाडीले एक/एक गोल गरेका थिए। घरेलु मैदानमा खेलको पहिलो हाफमाफेलिक्स र लेवान्डोस्कीले गोल गर्दै बार्सालाई २-० को अग्रता दिलाएका थिए।
यसपछि दोस्रो हाफमा फेरेन टोरस, राफिन्हा र क्यान्सेलोले समान १/१ गोल गर्दै जित पक्का गरे।
लिगको पाँच खेलमा यो चौथो जितपछि बार्सिलोना १३ अंकसहित पहिलो स्थानमा उक्लिएको छ। एक खेल कम खेलेको रियल म्याड्रिड १२ अंकसहित दोस्रो स्थानमा छ।
भदौ ३१, २०८० आइतबार ०९:२२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
