अब टाटा जेन्युइन पार्टस् तथा टाटा मोटर्स जेन्युइन आयल दराजमा पाइने

काठमाडौं : टाटा जेन्युइन पार्टस् र टाटा मोटर्स जेन्युइन आयलको नेपालको एकमात्र आधिकारिक बिक्रेता सिप्रदी अटोपार्टस प्रालि र नेपालको सबैभन्दा ठूलो अनलाइन स्टोर दराजबीच सहकार्य गर्ने सम्झौता भएको छ।

योसँगै अनलाइन स्टोर दराजमा टाटा जेन्युइन पार्टस र टाटा मोर्टस जेन्युइन आयल उपलब्ध हुन थालेको छ।

काठमाडौंस्थित हायात प्यालेस होटेलमा आयोजित एक कार्यक्रममा सिप्रदी कम्पनीजका प्रमुख कार्यकारी अधिकृत राजनबाबु श्रेष्ठ र टाटा मोटर्सका अन्तराष्ट्रिय व्यापार प्रमुख राकेश मित्तलको प्रमुख उपस्थितिमा सम्झौता भएको हो।

कार्यक्रममा काठमाडौं उपत्यकाभित्रका खुद्रा बिक्रेताहरू अनि देशभरका ‘टाटा गुरुहरू’को उपस्थिति रहेको थियो।

सिप्रदी अटोपार्टस् प्रालिका सिनियर जेनरल म्यानेजर युवराज बुढाथोकी र दराज अनलाइन स्टारका व्यापार अधिग्रहण तथा आवरण प्रमुख नबिन रानामगरबीचच सहमति र सहकार्यको सम्झौतापत्रमा हस्ताक्षर भएको हो।

अब टाटा मोटर्सका ग्राहकहरूले छिटो छरितो र सहज रूपमा टाटा जेन्युइन पार्टस् तथा टाटा मोटर्स जेन्युइन आयल खरिद गर्न सक्नेछन्।

भदौ २६, २०८० मंगलबार २२:४३:१६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।