एसिया कप : भारत र पाकिस्तानबीचको खेल सुरु

काठमाडौं  : जारी एसिया कप अन्तरगत भारत र पाकिस्तानबीचको खेल सुरु भएको छ। 

आइतबार कोलोम्बोको आर प्रेमादाशा स्टेडियममा टस हारेर पहिला ब्याटिङको निम्तो पाएको भारतले २४.१ ओभरमा २ विकेट गुमाउँदै १४७ रन बनाउँदा पानी परेपछि खेल रोकिएको थियो।

त्यसपछि पानी रोकिए पनि मैदान पूरै भिजेका कारण खेल सुरू हुन सकेको थिएन। भारत र पाकिस्तानबीचको खेलमा रिजर्भ डे राखिएका कारण आज जहाँ रोकिएको हो, त्यहिँबाट सुरू भएको छ।

आइतबारको खेलमा पहिलो विकेटका लागि रोहित शर्मा र शुभमन गिलले १६.४ ओभरमा १ सय २१ रनको सानदार शतकीय साझेदारी गरे। रोहित शादब खानको बलमा फहिम अशरफबाट क्याच आउट हुन पुगे।

रोहित शर्मा ४९ बलमा ६ चौका र ४ छक्कासहित ५६ रनमा आउट हुँदा गिल ५२ बलमा १० चौकासहित ५८ रनमा क्याच आउट भएका थिए। 

अहिले क्रिजमा विराट कोहली र लोकेस राहुल छन्। 

भदौ २५, २०८० सोमबार १६:५५:५० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।