जोकोभिचले जिते यूएस ओपन, सर्वाधिक ग्रान्डस्लाम उपाधिको रेकर्ड बराबर
एजेन्सी : सर्वियन स्टार टेनिस खेलाडी नोभाक जोकोभिचले सर्वाधिक ग्रान्डस्लाम उपाधि जित्ने कीर्तिमान बराबर गरेका छन्।
यूएस ओपन टेनिसको उपाधि जित्दै जोकोभिचले आफ्नो एकल ग्रान्डस्लाम उपाधि संख्यालाई २४ पुर्याए। योसँगै उनले मार्गरेट कोर्टको नाममा रहेको ५० वर्ष पुरानो रेकर्ड बराबर गरेका हुन्।
न्यूयोर्कमा भएको फाइनलमा जोकोभिचले डेनिल मेदभेदेवलाई हराए। ३६ वर्षीय दोस्रो वरियताका जोकोभिचले फाइनलमा ६-३, ७-६, ६-३ को सेटको जित निकाले।
उनको वर्षको यो चारमध्ये तेस्रो ग्रान्डस्लाम उपाधि हो। यसै वर्ष उनले राफेल नाडालको नाममा रहेको पुरुषतर्फको सर्वाधिक २२ ग्रान्डस्लाम उपाधि जित्ने कीर्तिमान तोडेका थिए।
भदौ २५, २०८० सोमबार ०९:१८:५० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
