नेपाल लाइफद्वारा दूधकुण्डमा निःशुल्क प्राथमिक स्वास्थ्य शिविर सम्पन्न

काठमाडौं : नेपाल लाइफ इन्स्योरेन्स कम्पनीले सोलुखुम्बु जिल्लाको ४६३२ मिटर उचाइमा रहेको प्रसिद्ध धार्मिकस्थल दूधकुण्डमा तीर्थयात्रीका लागि निःशुल्क प्राथमिक स्वास्थ्य शिविर आयोजना गरेको छ।

नेपाल रेडक्रस सोसाइटी टाक्सिन्दु उपशाखाको सहकार्यमा २०८० भदौ ११ देखि १४ गतेसम्म कम्पनीले निःशुल्क प्राथमिक स्वास्थ्य शिविर सम्पन्न गरेको हो।

उक्त शिविरबाट ४२२ जना भक्तजन प्रत्यक्ष लाभान्वित भएका छन्। जसमा २१० जनाको स्वास्थ्य परीक्षण, १४६ जनालाई औषधि वितरण, ६४ जनालाई प्राथमिक उपचार र २ जनालाई एम्बुलेन्स सेवा प्रदान गरिएको थियो।

स्वास्थ्यकर्मी र रेडक्रसकर्मीहरूले संयुक्त रूपमा शिविर सञ्चालन गरेका हुन्। विशेषत मेलाको बखत उच्च स्थान भएकाले टाउको दुख्ने, बान्ता हुने, शरीरका जोर्नी दुख्ने, श्वासप्रश्वासमा समस्या हुने जस्ता लक्षण भएका बिरामीहरूको उपचार गरिएको थियो।

निकट भविष्यमा कम्पनीले संस्थागत सामाजिक उतरदायित्व कार्यक्रम अन्तर्गत सामाजिक, आर्थिक, सांस्कृतिक, शैक्षिक आदि जस्ता क्षेत्रमा सकारात्मक परिवर्तन ल्याउनका निम्ति विभिन्न कार्यक्रम संचालन गर्ने कुरा कम्पनीका प्रमुख कार्यकारी अधिकृत प्रवीण रमण पराजुलीले बताए।

‘किनकि जीवन अमूल्य छ’ भन्ने मूल नारालाई आत्मसाथ गर्दै २२ वर्षदेखि जीवन बीमा सम्बन्धि सेवा प्रवाह गर्दै आएको कम्पनीको २०८० असार मसान्तसम्ममा लगानी १७२ अर्ब रुपैयाँ रहेको छ भने जीवन बीमा कोष करिव १६३ अर्ब रुपैयाँ संचित छ।

कम्पनीले आफ्ना सेवाग्राहीहरु तथा ग्राहकहरूका लागि देशभर फैलिएका आफ्ना १ सय ९२ कार्यालय सञ्जालहरू मार्फत जीवन बीमासम्बन्धी सम्पूर्ण सेवा उपलब्ध गराइरहेको छ।

भदौ २३, २०८० शनिबार १४:४९:११ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।