नेयमारले तोडे पेलेको कीर्तिमान, बने ब्राजिलको लागि सर्वाधिक गोल गर्ने खेलाडी
एजेन्सी : नेयमारले ब्राजिलको लागि सर्वाधिक गोल गर्ने खेलाडीको रेकर्ड कायम गरेका छन्। विश्वकप छनोट बोलेभियासँगको खेलमा गोल गर्दै उनले महान् खेलाडी पेलेको कीर्तिमान तोडेका हुन्।
फिफा विश्वकप फुटबल सन् २०२६ को दक्षिण अमेरिकी छनोट खेलमा ब्राजिलले विजयी सुरुवात गर्ने क्रममा शनिबार बिहान बोलेभियालाई ५–१ गोल अन्तरले हरायो। जसमा नेयमारले दुई गोल गरे।
ब्राजिलको राष्ट्रिय टिमका लागि नेयमारको यो ७८ औं र ७९ औं गोल थियो। खेलको ६१ औं मिनेटमा गरेको पहिलो गोलमै उनले तीन पटकको विश्वकप विजेता पेलेको नाउँमा रहेको ७७ गोलको कीर्तिमान तोडेका हुन्।
भदौ २३, २०८० शनिबार ११:१३:३४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
