विश्वकप अघि इंग्ल्यान्डविरुद्ध न्युजिल्यान्डको सानदार जित, कन्वे र मिचेलको शतक
एजेन्सी : एकदिवसीय विश्वकपको वार्मअप सिरिजको रुपमा लिइएको न्युजिल्यान्डसँगको पहिलो खेलमा इंग्ल्यान्ड घरेलु मैदानमा ८ विकेटले पराजित भएको छ।
ओपनर डेभन कन्वे र डर्याल मिचेलले अविजित शतक प्रहार गरेपछि न्युजिल्यान्डले सानदार जितसँगै चार खेलको सिरिजमा १-० को अग्रता बनाएको छ।
खेलमा टस हारेर पहिले ब्याटिङ गरेको इंग्ल्यान्डले निर्धारित ५० ओभरमा ६ विकेट गुमाउँदै २ सय ९१ रन बनाएको थिये।
जसका लागि इंग्ल्यान्डका कप्तान जस बटलरले सर्वाधिक ७२ रनको योगदान दिए। बलिङमा रचिन रविन्द्रले १० ओभरमा ४८ रन खर्चेर ३ विकेट लिए।
यसपछि २९२ रनको लक्ष्य न्युजिल्यान्डले ४५.४ ओभरमा मत्र २ विकेट गुमाउँदै पूरा गर्यो। जहाँ ओपनर डेभन कन्वेले १ सय ११ रनको अविजित शतकीय पारी खेले।
विष्फोटक ब्याटिङ गरेका डर्याल मिचेलले भने ९१ बलमा ७ चौक र ७ छक्कासहित अविजित १ सय १८ रनको योगदान दिए।
यी दुईले तेस्रो विकेटका लागि १ सय ८० रनको अविजित साझेदारी गरेका थिए।
भदौ २३, २०८० शनिबार ०९:४८:०२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
