विश्वकप छनोट : सेमिफाइनलमा नेपाललाई थाईल्यान्डको १०६ रनको लक्ष्य
काठमाडौं : नेपालले महिला टी-२० विश्वकप एसिया क्षेत्र छनोटको सेमिफाइनल खेलमा थाईल्यान्डसँग जितका लागि १०६ रनको लक्ष्य पाएको छ।
मलेसियाको जारी खेलमा टस हारेर पहिले ब्याटिङ गरेको थाईल्यान्डले निर्धारित २० ओभरमा २ विकेट गुमाउँदै १०५ रन बनायो।
जसका लागि खोन्चारोएनकाइले ६३ बलमा ४ चौकासहित सर्वाधिक ५९ रनको योगदान दिइन् भने चान्थमले ३१ रन जोडिन्। यी दुईले दोस्रो विकेटका लागि ६८ रनको साझेदारी गरेका थिए।
नेपालका लागि पूजा महतो र कविता कुँवरले १/१ विकेट लिए।
अब १०६ रनको लक्ष्य पुरा गरेमा नेपालले फाइनलसँगै अर्को वर्ष हुने आईसीसी महिला टी-२० विश्वकपको ग्लोबल छनोट खेल्न पाउनेछ।
भदौ २२, २०८० शुक्रबार ०८:५४:३६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
