मेस्सीको निर्णायक फ्रिकिक गोल, च्याम्पियन अर्जेन्टिनाको विश्वकप छनोटमा विजय सुरुआत
एजेन्सी : कप्तान लियोनल मेस्सीको निर्णायक फ्रिकिक गोलमा च्याम्पियन अर्जेन्टिनाले विश्वकप छनोटमा विजयी सुरुआत गरेको छ।
फिफा विश्वकप २०२६ को दक्षिण अमेरिकी छनोट खेलमा अर्जेन्टिनाले इक्वेडरलाई १-० ले हरायो। शुक्रबार बिहान घरेलु मैदानमा भएको खेलमा अर्जेन्टिनाको जितमा एक मात्र गोल मेस्सीले गरेका थिए।
पहिलो हाफ गोलरहित बराबरीमा सकिएपछि खेलको ७८ औं मिनेटमा मेस्सीले फ्रिकिकमा गरेको गोल नै फिफा विश्वकप २०२२ च्याम्पियन अर्जेन्टिनालाई खेल जित्न पर्याप्त भयो।
जितसँगै अर्जेन्टिनाले महत्वपूर्ण तीन अंक जोडेको छ।
भदौ २२, २०८० शुक्रबार ०८:३१:२० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।