निगमको साउदी अरेबियाको रियादमा सिधा उडान शुरु

काठमाडौं : नेपाल वायुसेवा निगमले काठमाडौंबाट साउदी अरेवियाको दमाममा सिधा उडान सुरु गरेको छ। 

निगमले बुधबारदेखि काठमाडौंबाट साउदी अरेवियाको दमाममा नियमित सिधा उडान शुरु गरेको निगमका प्रवक्ता रमेश पौडेलले जानकारी दिए।

उडान तालिका अनुसार काठमाडौंबाट वुधबार राती १०ः४० मा उडान भरेको पहिलो उडानमा १ सय २६ जना यात्रु रहेकामा फर्कँदा १ सय १७ जना यात्रु रहेको उनले बताए।

काठमाडौ-दमाम-काठमाडौं सेक्टरमा निगमले हप्ताको दुई दिन बुधबार र शनिवार उडान गर्ने र बजारको माग तथा निगमको वजार व्यवस्थापन अनुसार उडानको संख्या बढाउँदै लैजाने योजना रहेको  निगमले बताएको छ। 

यात्रुहरुले निगमको कार्यालय वा निगमको वेवसाइटमा लगइृन गरी अनलाईनबाट वा नजिकको ट्राभल एजेन्सीबाट टिकट लिई सहज रुपमा यात्रा गर्न सकिने सुविधा निगमले उपलब्ध गराएको छ।

भदौ २१, २०८० बिहीबार १७:३७:०१ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।