यसपाली तीजमा विष्णु माझीको कोसेली ‘बलमा’
काठमाडौं : तीज भन्नेबित्तिकै माइती, रातो सारी, दर अनि गीतसंगीत। गीतसंगीत पनि विष्णु माझीको।
हरेक तीजमा विष्णु माझीको गीत आउँछ अनि तहल्का मच्चाउँछ। तीजमा उनका फ्यानहरू गीतकाे पर्खाइमा हुन्छन्। यस वर्ष पनि उनले तीजको गीत ल्याइन् ‘बलमा’।
सपना म्युजिक इण्डष्ट्री नामक युट्युब च्यानलबाट सार्वजनिक गीतमा गायिका विष्णुका पति सुन्दरमणि अधिकारीको शब्द तथा संगीत छ। गीतलाई आशिष अविरलले एरेन्ज तथा मिक्सिङ गरेका हुन्।
‘पुतलीको भट्टी-१९’ अन्तर्गत रहेको गीतको भिडियोमा मोडल बिनु सुवेदी फिचर्ड छिन्। गीतमा महिला हिंसाविरुद्धको सन्देश दिने प्रयास गरिएको छ।
सुन्दरमणिकै निर्देशन रहेको भिडियोमा शम्भु चालिसेको छायांकन र निशान घिमिरेको सम्पादन छ।
यसअघि उनले गाएका ‘चरी जेलैमा’, ‘घुम्रे जुलेफी’, ‘मै छोरी सलल’, ‘हाई मेरो फरिया’ जस्ता तीज गीतहरू चर्चामा छन्।
भदौ २०, २०८० बुधबार १८:५०:४४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
