नेपाली राष्ट्रिय क्रिकेट टाेली स्वदेश फर्कियो
काठमाडौं : एसिया कप खेलेर नेपाली राष्ट्रिय क्रिकेट टोली आज वुधबार स्वदेश फर्किएको भएको छ।
पाकिस्तान र भारतसँग खेलेको नेपाल दुवै टोलीसँग पराजित हुँदै एसिया कपको यात्रा समाप्त भएपछि स्वदेश फर्किएको हो।
टोली दिँउसो १ बजे त्रिभुवन अन्तर्राष्ट्रिय विमानस्थलमा अवतरण गरेको बताइएको छ।
पहिलो पटक एसिया कप खेलेको नेपाल भारत र पाकिस्तानसहतिको समूह ‘ए’ मा थियो।
आफ्नो पहिलो खेल अगस्ट ३० तारिखको दिन पाकिस्तानको मुल्तान स्टेडियममा पाकिस्तानसँग खेलेको नेपालले दोस्रो खेल सेप्टेम्बर ४ मा भारतविरुद्ध श्रीलंकाको पल्लेकेले स्टेडियममा खेलेको थियो।
भारतसँग १० विकेटले हार व्यहोरेको नेपालले धेरै क्रिकेट समर्थकको मन जितेको थियो।
विशेषगरी भारतसँग गरेको ब्याटिङ प्रदर्शनका कारण नेपाली टिमले धेरै प्रशंसा बटुलेको हो।
पहिलो खेलमा पाकिस्तानसँग २३८ रनले पराजित भएको नेपाल भारतसँग १० विकेटले हारेको थियो।
भदौ २०, २०८० बुधबार १४:३५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
