खेलाडीले राम्रो खेल्दा मात्र सरोकारवाला जाग्छन् : रबि लामिछाने
काठमाडौं : राष्ट्रिय स्वतन्त्र पाटी रास्वपाका सभापति रबि लामिछानेले एसिया कप अन्तरगत भारतविरुद्धको खेल नेपालका लागि एतिहासिक क्षण भएको बताएका छन्।
श्रिलंकामा नेपाल र भारतबीचको खेल अवलोकन गरेर नेपाल फर्किएका सभापति लामिछनेले त्रिभुवन विमास्थलमा संक्षिप्त प्रतिक्रिया दिँदै नेपालले सोचेभन्दा राम्रो प्रदर्शन गरेको बताएका हुन्।
‘नेपालले भारतविरुद्ध खेलि रहँदाका हरेक क्षण एतिहासिक छन्। नेपालले अपेक्षाकृत खेल खेल्यो’, उनले भने।
खेलाडीले राम्रो प्रदर्शन गर्दा मात्र सरोकारवाला निकायको ध्यान जाने बताउँदै उनले त्यस्तो गर्न नहुने उल्लेख गरे।
त्यस्तै, राज्यको निर्णायक ठाँउमा आफु रहेको बताउदै नेपाली क्रिकेट र खेलाडीको पारिश्रमिक, खेल मैदान निर्माण लगायतका बिषयमा संसदमा खुलेर आवाज उठाउने समेत उनको भनाई थियो।
भदौ २०, २०८० बुधबार १४:०३:४८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
