विश्वकप छनोट : यूएईसँगको खेल वर्षाले रद्द, नेपाल समूह उपविजेता

काठमाडौं : मलेसियामा जारी आईसीसी महिला टी–२० विश्वकप एसियाली छनौटमा लगातार पाँचौं जित निकाल्दै समूह विजेता बन्ने नेपालको योजनामा वर्षा बाधक बनेको छ।

नेपाल र यूएईबीचको आजको खेल वर्षाका कारण हुन सकेन।

प्रतियोगितामा लगातार चौथो जित निकालेको नेपाल यसअघि नै सेमिफाइनलमा प्रवेश गरिसकेको थियो। आजको खेल जितेको नेपाल समूह विजेता बन्ने थियो।

तर खेल नभएर दुवैले अंक बाँडेपछि नेपाल र यूएईको पाँच खेलमा समान ९ अंक भएको छ। तर रनरेटका आधारमा यूएई समूह विजेता बन्दै सेमिफाइनलमा पुग्यो।

नेपालले समूह चरणमा बहराइनलाई १० विकेट, भुटानलाई ३ विकेट, मलेसियालाई ५ रन र कतारलाई ९ विकेटले हराएको थियो।

अब सेमिफाइनलमा नेपालको हङकङ वा थाईल्यान्ड मध्ये एक टिमसँग हुनेछ। फाइनलमा पुग्न सके नेपालले सन् २०२४ मा हुने ग्लोबल टी-२० क्वालिफायर खेल्न पाउने छ।

भदौ २०, २०८० बुधबार १०:२८:४३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।