समाजवादी मोर्चाले बागमती, कोशी र सुदूरपश्चिममा पनि प्रादेशिक सन्देश सभा गर्ने
काठमाडौं : समाजवादी मोर्चा नेपालले तीनवटा प्रदेशमा प्रादेशिक सन्देश सभा गर्ने भएको छ। मोर्चाले बागमती, कोशी र सुदूरपश्चिम प्रदेशमा सन्देश सभा गर्न लागेको हो।
मोर्चामा माओवादी केन्द्र जनता समाजवादी पार्टी, एकीकृत समाजवादी र नेपाल कम्युनिष्ट पार्टी आबद्ध छन्।
मोर्चाले यही भदौ २४ बागमती प्रदेशमा, भदौ २५ गते कोशीमा तथा भदौ २६ गते सुदूरपश्चिममा सन्देश सभा गर्नका लागि कार्यतालिका तय गरिएको मोर्चाका सदस्यसचिव प्रमेश हमालले जानकारी दिए।
मोर्चाले यसअघि गण्डकी, मधेस, लुम्बिनी र कर्णालीमा प्रदेशस्तरीय सभा सम्पन्न गरिसकेको छ।
बागमतीको हेटौंडामा र सुदूरपश्चिमको धनगढीमा हुने सभाको संयोजन एकीकृत समाजवादीले गर्ने छ। कोशीको विराटनगरमा गरिने कार्यक्रमको संयोजन जनता समाजवादी पार्टीले गर्ने तालिका छ।
भदौ २०, २०८० बुधबार ०९:४०:१९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
