एसिया कप खेलेर नेपाली टिम आज स्वदेश फर्कंदै
काठमाडौं : एसिया कप खेलेर नेपाली टिम आज (बुधबार) स्वदेश फर्कंदै छ। इतिहासमै पहिलो पटक नेपालले विश्व क्रिकेटका ठूला टिम पाकिस्तान र भारतसँग एसिया कपको समूह चरणमा खेलेको थियो।
दुवै खेल हारे पनि नेपालले धेरै क्रिकेट समर्थकको मन जितेको थियो। विशेषगरी भारतसँग गरेको ब्याटिङ प्रदर्शनका कारण नेपाली टिमले धेरै प्रशंसा बटुलेको हो।
नेपाल क्रिकेट संघ (क्यान) का अनुसार नेपाली टिम दिउँसो १२ः३५ बजे त्रिभुवन अन्तर्राष्ट्रिय विमानस्थलमा अवतरण गर्ने छ।
पहिलो खेलमा पाकिस्तानसँग २३८ रनले पराजित भएको नेपाल भारतसँग १० विकेटले हारेको थियो।
पाकिस्तानसँग १०४ रनमै अलआउट भएको नेपालले भारतविरुद्ध २३० रन बनाएको थियो। जहाँ भारतविरुद्ध आसिफ शेखले अर्धसतक बनाएका थिए।
भदौ २०, २०८० बुधबार ०८:३८:४२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
