‘आइएमई पे’ मार्फत पानी र इन्टरनेट भुक्तानीमा भारी छुट

काठमाडौं : डिजिटल वालेट ‘आइएमई पे’ले हालै सार्वजनिक गरेको ‘विकेट टु विन’ नामक अभियान अन्तर्गत अर्को नयाँ अफर सार्वजनिक गरेको छ।

भदौ १९ देखि असोज १८ सम्म चल्ने यो अफरअन्तर्गत सेवाग्राहीले आफ्नो इन्टरनेट तथा पानीको बिल भुक्तानी आइएमई पे मार्फत गर्दा १ सय रुपैयाँसम्म छुट पाउन सक्नेछन्।

छुट प्राप्त गर्नको लागि, सेवाग्राहीले पानीको बिल भुक्तानी गर्ने क्रममा ‘WATER’ प्रोमो कोड राख्नुपर्ने छ भने इन्टरनेटको बिल भुक्तानी क्रममा ‘INTERNET’ प्रोमो कोड राख्नुपर्नेछ।

अफर अन्तर्गत सेवाग्राहीले पानीको प्रोमो कोड अफर अन्तरालभरी जति चोटि पनि प्रयोग गर्न सक्नेछन् भने इन्टरनेटको प्रोमो कोड भने अफर अन्तराल भरी एक जना ग्राहकले एक पटक मात्र प्रयोग गर्न पाउनेछन्।

आइएमई पेले ग्राहकहरूको सुविधाको लागि सुरक्षित तथा नवप्रवर्द्धित सेवाहरूको माध्यमबाट क्यास-लेस सोसाइटी निर्माणमा थप प्रोत्साहन गर्नमा अग्रणी भूमिका निर्वाह गरेको छ।

भदौ १९, २०८० मंगलबार १९:३१:२८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।