इन्टर मायामीद्वारा डिफेन्डिङ च्याम्पियन एलए ३-१ ले पराजित
काठमाडौं : लिओनल मेसीको कप्तानीमा रहेको इन्टर मायामीले मेजर लिग सकर (एमएलएस)मा डिफेन्डिङ च्याम्पियन लस एन्जलस् फुटबल क्लबलाई ३-१ गोल अन्तरले हराएको छ।
सोमबार बिहान एलएएफसीलाई उसैको मैदानमा हराउन मेस्सीले गोल नगरे पनि खेलमा दुई असिस्ट गरे।
खेलको १४ औं मिनेटमा फारिएसको गोल मार्फत इन्टर मायामीले खेलमा अग्रता कायम गरेको थियो।
यसपछि मेस्सीको पासमा ५१ औं मिनेटमा जोर्डी अल्वा र ८३औं मिनेटमा लुकास काम्पनाले गोल गर्दै इन्टरलाई ३-० को अग्रता दिलाएका थिए।
एलएको लागि अन्तिम समयमा होलिङशहेडले एक सान्त्वना गोल फर्काएका थिए।
भदौ १८, २०८० सोमबार १२:३९:१२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
