भारतिय मुलका अर्थशास्त्री थर्मन शनमुगरत्नम सिंगापुरको राष्ट्रपतिमा निर्वाचित

एजेन्सी : सिंगापुरको राष्ट्रपतिमा थर्मन शनमुगरत्नम निर्वाचित भएका छन्। कुल मतको ७०.४ प्रतिशत मत ल्याउँदै उनी राष्ट्रपतिमा निर्वाचित भएका हुन्। 

थर्मन भारतीय मूलका सिंगापुरका चर्चित अर्थशास्त्री हुन्। पिपुल्स एक्सन पार्टी (पीएपी) छाडेर उनले स्वतन्त्र उम्मेदवारी दिएका थिए। 

थर्मनका प्रतिद्वन्द्वी आं कोक सन्गले १५.७ र तान किन लियानले १३.८८ प्रतिशत मत ल्याए।सिंगापुरमा राष्ट्रपति पद कार्यकारी पद होइन। यद्यपि, राष्ट्रपतिसँग वित्त भण्डारसम्बन्धि केही शक्ति भने हुन्छ। 

राष्ट्रपतिलाई स्वतन्त्र रुपमा बोल्न पनि यहाँ बन्देज छ। सिंगापुरको सरकारले चाहेको खण्डमा राष्ट्रपतिलाई हटाउन पनि सक्छ।

थर्मनले यअघि सिंगापुरका अर्थमन्त्री र उपप्रधानमन्त्रीका रुपमा कार्यभार निर्वाह गरिसकेका छन्। उनीसँग संयुक्त

राष्ट्रसंघ र अन्तर्राष्ट्रिय मुद्रा कोषमा समेत काम गरेको अनुभव अनुभव छ। कुनैबेला उनी मुद्रा कोषको अध्यक्षको दाबेदारसमेत थिए ।
 

भदौ १७, २०८० आइतबार १५:२७:४३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।