भारत र पाकिस्तानबीचको खेल रोकियो
काठमाडौं : एसिया कप अन्तर्गत समूह ‘ए’ अन्तर्गत भारत र पाकिस्तानबीचको खेल रोकिएको छ।
श्रीलंकाको क्यान्डीमा चार ओभर दुई बलको खेल सकिँदा पानी परेपछि रोकिएको हो।
खेलमा भारतले टस जितेर पहिला ब्याटिङ गर्ने निर्णय गरेको थियो। ४ ओभर दुई बलको खेल सकिँदा भारतले विना विकेटको क्षतिमा १५ रन मात्र बनाएको छ।
एसिया कप अन्तर्गत समूह ‘ए’ मा भारत, पाकिस्तान र नेपाल छन्। पाकिस्तानले पहिलो खेलमा नेपाललाई पराजित गरेको थियो भने भारतले पाकिस्तानसँग प्रतियोगिताको पहिलो खेल खेल्दैछ।
समूहको अन्तिम खेल सोमबार भारत र नेपालबीच क्यान्डीमै हुनेछ।
भदौ १६, २०८० शनिबार १५:४७:२० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
